“EZ Leather Craft” ХХК нь арьсан эдлэлийн үйлдвэрлэл, худалдааны чиглэлээр үйл ажиллагаа явуулах зорилгоор 2013 онд байгуулагдсан 100% дотоодын хөрөнгө оруулалт бүхий аж ахуйн нэгж юм. “Монгол малын арьс, ширийг дэлхийд таниулъя!” уриатай EZ Leather Craft ХХК нь үүсгэн байгуулагдсан цагаасаа эхлэн экспортын зах зээлд орж Монгол улсад анх удаа арьсан цүнхний салбарт масс үйлдвэрлэлийн дамжлагыг бий болгов.
“АЛСЫН ХАРАА”
Дэлхийн стандартад нийцсэн бүтээгдэхүүн үйлдвэрлэн тогтвортой экспортлогч, нийгэмд үнэ цэнэ бүтээгч, хүн төвтэй байгууллага байна.
“УРИА ҮГ”
“Монгол малын арьс, ширийг дэлхийд таниулъя!
“ЭРХЭМ ЗОРИЛГО”
Хүний хөгжил, технологийн шинэчлэлээр тэргүүлэгч, хөнгөн үйлдвэрлэлийн салбарын шилдэг компани байна.
Бид Япон, БНХАУ-ын зах зээлд бүтээгдэхүүнээ дангаар болоод хамтарсан байдлаар борлуулж ирснээс хамгийн амжилттай нэвтрэлтийг Япон улсын зах зээлд хийсэн юм. 2017-2022 онуудад өндөр шаардлага бүхий Япон улсын хэрэглэгчдийн стандарт, таашаалд нийцсэн чанар, загвар бүхий бүтээгдэхүүнийг үйлдвэрлэн гаргаж ирсэн нь манай компанийн бахархал юм.
